సర్పంచ్ ఎన్నికల్లో డబ్బు ఖర్చు పెట్టకండి

ఒకరోజు లాభం కోసం,నూరేళ్ల నష్టం తెచ్చుకోకండి

అభ్యర్థులకు గ్రామాల పెద్దల సూచన

VS9TV న్యూస్,హైదరాబాద్ :

గ్రామాల్లో సర్పంచ్ అభ్యర్థులు గెలుపు కోసం భారీగా డబ్బు ఖర్చు పెడుతున్న దృశ్యం మరో సారి ఎన్నికల వేళ హాట్‌టాపిక్ అయింది.పోయిన సారి గెలిచిన సర్పంచ్‌లతో ఒక్కసారి మాట్లాడండి...సుఖానికి వచ్చినా సొమ్ము పోదు...బాధకు వచ్చినా బుద్ధి రాదు...అనేలా వారు పడిన ఇబ్బందులు తెలుసుకుంటే అభ్యర్థులే కాదు,ఓటర్లూ షాక్ అవుతారు అని గ్రా మ పెద్దలు చెబుతున్నారు.గత సారి గెలిచిన అనేక మంది సర్పంచ్‌లు ఈసారి పోటీలో ని లబడేందుకు కూడా ధైర్యం చేయకపోవడం వెనుక అసలు కారణం.అప్పుల భారం,ఆర్థిక ఒత్తిడి.వద్దన్నా వడగళ్ల వాన...కోరన్నా కోడి గుడ్డు...అన్నట్లుగా అభివృద్ధి పనులు,ప్రజా ఒ త్తిళ్లు,రాజకీయ లెక్కలతో వారు సహనం కోల్పోయి చాలామంది పక్కన కూర్చున్నారు.

ఓటర్లకు హెచ్చరిక ...ఒకసారి డబ్బు తీసుకుంటే మీ నోరు మీరే కట్టేసుకున్నట్టే :

ఓటర్లు కూడా ఓటు వేయడానికి ముందు ఒక్కసారి ఆలోచించాలి.మీ గ్రామం ఇప్పటి వర కు ఎంత అభివృద్ధి చెందింది ? ఎందుకు వెనకపడుతోంది ? ఓటుకు ఒక్కరోజు ఇచ్చే రూ.500,రూ.1,000, రూ.1,500,రూ.2,000,రూ.3,000...కొన్నిచోట్ల రూ.5,0 00 కోసం గ్రామ భవి ష్యత్తునే తాకట్టు పెట్టడం చెయ్యి ఇచ్చి చెంప కొట్టించుకున్నట్టు... అవుతుందని పెద్దలు హెచ్చరిస్తున్నారు.కొంచెం ప్రయోజనానికి పెద్ద నష్టం తెచ్చుకోకు... రోజుకి దొరికిన చిల్లరకి రేపటి అన్నం అమ్ముకోకు...అన్నట్లుగా ఓటరు డబ్బు తీసుకునే నిర్ణ యం మొత్తం గ్రామాన్ని వెనక్కి నెట్టేస్తోంది.

నిజాయితీ ఉన్న అభ్యర్థిని గెలిపించండి నిజం నిలుస్తుంది,నిధులు కాదు :

డబ్బు ఖర్చు చేయకుండా,నిజాయితీగా పనిచేయాలనుకునే అభ్యర్థిని అందరూ కలిసి గెలి పిస్తే గ్రామం అభివృద్ధి దిశగా బలంగా అడుగులు వేయగలదు.మనసున్నవాడికి మార్గం ఉ న్నట్టు... మంచి నాయకుడికి ప్రజల మద్దతు లభిస్తే గ్రామానికి కావాల్సిన పనులు కూడా సులభంగా సాధ్యమవుతాయి.కానీ ఓటర్లు డబ్బు తీసుకున్న క్షణం నుంచే తినిన వాడే నో రు మూసుకుంటాడు...అన్న చందం జరిగుతుంది.తర్వాత అభివృద్ధి అడిగే హక్కే ఉండ దు.గ్రామ అభివృద్ధి కోసం ఈసారి అయినా ప్రజలు మేల్కొని,డబ్బు లేకుండా స్వచ్ఛమైన ఎ న్నికలు జరిపి,నిజాయితీగల నాయకుడిని ఎన్నుకోవాలని పెద్దలు పిలుపు ఇస్తున్నారు.